“Ən yaxşı ictimai-siyasi hazırlıq dərsinin qrup rəhbəri” müsabiqəsi keçirilib
Bakı, 23 mart, AZƏRTAC
Bu ilin hazırlıq planına əsasən “Vətənə, xalqa, dövlətə xidmət ömrümüzün mənasıdır” devizi altında Hərbi Hava Qüvvələrinin N hərbi hissəsində “Ən yaxşı ictimai-siyasi hazırlıq dərsinin qrup rəhbəri” adı uğrunda müsabiqə keçirilib.
Müdafiə Nazirliyinin Mətbuat xidmətindən AZƏRTAC-a bildirilib ki, ictimai-siyasi hazırlıq dərsinin qrup rəhbərlərinin pedaqoji vərdişlərinin təkmilləşdirilməsi, hərbi qulluqçularla ideoloji işin düzgün aparılması qaydalarının qrup rəhbərlərinə öyrədilməsi məqsədilə keçirilən müsabiqədə əsas diqqət hərbi kollektivlərdə döyüş əzminin daim yüksək səviyyədə saxlanılması, o cümlədən xalqa, dövlətə, Ali Baş Komandana və Hərbi anda sədaqətin şəxsi heyətə aşılanması, ictimai-siyasi hazırlıq sahəsində qabaqcıl təcrübənin təbliğinə yönəldilib.
Birinci mərhələ üzrə mükafatlandırılan qaliblər Azərbaycan Ordusu üzrə keçiriləcək müsabiqədə iştirak edəcəklər.
MN: Ermənistan silahlı qüvvələri mövqelərimizi atıcı silahlardan fasilələrlə atəşə tutub
Azərbaycan ilə İtaliyanın Hərbi Dəniz Qüvvələri arasında hərbi sahədə əməkdaşlıq müzakirə edilib
Hərbi vəzifəlilərlə təlim toplanışı davam edir
Əlahiddə Ümumqoşun Orduda komandir hazırlığı məşğələsi keçirilib VİDEO