Bakı, 20 mart, AZƏRTAC

Lommel şəhərində keçirilən taekvondo üzrə açıq Belçika çempionatı başa çatıb.
AZƏRTAC Azərbaycan Taekvondo Federasiyasına istinadla xəbər verir ki, G2 kateqoriyalı yarışı millimiz 1 gümüş və 2 bürünc medalla başa vurub.
Yığmanın heyətində Səyyad Dadaşov (54 kq) fəxri kürsünün ikinci pilləsinə qalxıb. Digər taekvondoçularımızdan Qaşım Maqomedov (58 kq) və Patimat Abakarova (53 kq) isə bürünc medala sahib olublar.