“Qarabağ” klubu avrokuboklara vəsiqəni təmin edib
Bakı, 13 mart, AZƏRTAC
Futbol üzrə Azərbaycan Premyer Liqasında mükafatçılardan biri dəqiqləşib. XXVI turda “Səbail”i 3:0 hesabı ilə məğlub edən “Qarabağ” xal hesabını 68-ə çatdıraraq ilk üçlükdə yerini təmin edib. Bununla da Qurban Qurbanovun yetirmələri həm medallardan birini, həm də avrokuboklara vəsiqəni əldə edib.
AZƏRTAC Peşəkar Futbol Liqasına istinadla xəbər verir ki, bu, “Qarabağ”ın tarixində Azərbaycan çempionatındakı 17-ci mükafatdır. Ağdam təmsilçisi aktivində 9 qızıl, 4 gümüş və 3 bürünc medal var.
“Qarabağ” 1993-cü, 2013-2014-cü, 2014-2015-ci, 2015-2016-cı, 2016-2017-ci, 2017-2018-ci, 2018-2019-cu, 2019-2020-ci və 2021-2022-ci il mövsümlərində çempion olub. Bölgə təmsilçisi 1993-1994-cü, 1996-1997-ci, 2012-2013-cü və 2020-2021-ci il mövsümlərində gümüş medal qazanıb. 2003-2004-cü, 2009-2010-cu və 2010-2011-ci il mövsümlərində də üçlükdə yer alan “Qarabağ” bürünc mükafatla kifayətlənib.
Qeyd edək ki, medal sayında “Qarabağ” yalnız “Neftçi”dən geridədir. Bakı təmsilçisinin 20 mükafatı var.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir