Cüdoçularımız Avropa kuboku turnirində komanda hesabında birinci olublar
Bakı, 12 mart, AZƏRTAC
Xorvatiyanın paytaxtı Zaqrebdə keçirilən yeniyetmələr arasında Avropa kuboku turnirində Azərbaycan cüdoçuları 3 qızıl, 1 gümüş və 4 bürünc medal qazanıblar. Azərbaycan yarışda 50 nəfərdən ibarət heyətlə təmsil olunub.
AZƏRTAC Azərbaycan Cüdo Federasiyasına istinadla xəbər verir ki, turnirin ikinci günündə - martın 12-də oğlanların yarışında Süleyman Şükürov (73 kq) finalda polşalı idmançı Şimon Brzuszczynskini məğlub edərək qızıl medal qazanıb. Aslan Kotsoyev (81 kq) final görüşündə Lüksemburq təmsilçisi Miça Velterə qalib gələrək komandamızın aktivinə növbəti qızıl medalı yazdırıb. Ramazan Əhmədov (90 kq-dan yuxarı) turnirin gümüş medalçısı olub.
Turnirin ilk günü Azərbaycan cüdoçuları 1 qızıl və 4 bürünc medal əldə ediblər.
Azərbaycan yığması yarışda medal əyarına görə ümumi hesabda və oğlanlar arasında birinci yeri tutub.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir