Bakı, 3 mart, AZƏRTAC

Bu gün futzal üzrə Azərbaycan millisi dünya çempionatının əsas mərhələsi çərçivəsində növbəti oyununa çıxacaq.
AZƏRTAC xəbər verir ki, millimiz Bakı İdman Sarayında Yunanıstan yığmasını qəbul edəcək.
Saat 20:00-da start götürəcək görüşü Eduardu Koelyunun başçılıq etdiyi portuqaliyalı hakimlər briqadası idarə edəcək.
Qeyd edək ki, Azərbaycan millisi altı xalla altıncı qrupun liderdir. Bir oyun çox keçirən Polşa kollektivinin də eyni xalı var. Millimiz qrupdakı sonuncu matçında martın 7-də Polşanın qonağı olacaq.