İlk milli “Ro-Pax" tipli “Azərbaycan” gəmi-bərəsinin istismara verilməsindən iki il ötür
Bakı, 1 mart, AZƏRTAC
“Azərbaycan Xəzər Dəniz Gəmiçiliyi" QSC-nin (ASCO) sifarişi ilə “Bakı Gəmiqayırma Zavodu” MMC və “Baku Shipyard” MMC-də inşa olunan ilk milli "Ro-Pax" tipli “Azərbaycan” gəmi-bərəsinin istismara verilməsindən iki il ötür.
ASCO-dan AZƏRTAC-a bildirilib ki, gəminin istismara verilməsi mərasimi 2021-ci il martın 1-də Prezident İlham Əliyevin və Birinci vitse-prezident Mehriban xanım Əliyevanın iştirakı ilə reallaşıb.
İndiyədək “Azərbaycan” gəmisi ilə ümumilikdə 322 reys həyata keçirilib və 1073 vaqon, 2596 ədəd minik avtomobili, 10 min 178 ədəd yük avtomobili/TIR, 11 min 159 nəfər sərnişin daşınıb.
Qeyd edək ki, "Azərbaycan" gəmi-bərəsi Britaniya Kral Dəniz Mühəndisləri Cəmiyyətinin (RİNA) "Significant Ship 2021" reytinqinə əsasən dünyanın ən yaxşı 50 gəmisi siyahısına daxil edilib.
AYNA taksi sürücüləri üçün təlimlərə başlayıb
Daha bir küçədə sürət həddi endirilib
“AzParking” mobil tətbiq istifadəçilərinin sayı artıb
ASCO üzrə bu ilin II rübündə təhvil verilən müxtəlif tullantıların həcmi açıqlanıb