Bakı, 27 fevral, AZƏRTAC
Bakıda daha bir marşrutun hərəkət sxemi dəyişdiriləcək.
Bakı Nəqliyyat Agentliyindən (BNA) AZƏRTAC-a bildirilib ki, fevralın 28-də Nərimanov rayonu, İ.Hidayətzadə küçəsi ilə Çernyayevski küçəsinin kəsişməsində aparılacaq təmir-bərpa işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq ediləcək. Bu səbəbdən 4 nömrəli marşrutun hərəkət sxemi müvəqqəti olaraq alternativ küçələrlə təşkil ediləcək.