Xocalı soyqırımı bəşəriyyətə qarşı törədilən qanlı cinayətdir
Bakı, 25 fevral, AZƏRTAC
Sumqayıt Baş Gömrük İdarəsində Xocalı soyqırımı qurbanlarının xatirəsi anılıb.
Dövlət Gömrük Komitəsindən AZƏRTAC-a bildirilib ki, tədbirin əvvəlində Xocalı soyqırımı qurbanlarının və Azərbaycanın ərazi bütövlüyünün müdafiəsi uğrunda canlarından keçən qəhrəman şəhidlərimizin və Türkiyədə baş verən təbii fəlakət nəticəsində həyatını itirənlərin xatirəsi bir dəqiqəlik sükutla yad edilib.
Xocalı soyqırımının XX əsrin ən dəhşətli qətliamlarından biri, Azərbaycana qarşı əsassız ərazi iddialarının tərkib hissəsi olduğu vurğulanıb. O da qeyd olunub ki, bəşəriyyətə qarşı törədilən bu qanlı cinayətin əsl qiyməti Ulu Öndər Heydər Əliyev tərəfindən verilib.
Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində qazandığımız şanlı Zəfər nəticəsində Xocalı şəhidlərinin də qisasının alındığı bildirilib, onların xatirəsinin daim ehtiramla yad olunacağı və unudulmayacağı vurğulanıb.
Sonda tədbir iştirakçıları Xocalı soyqırımına həsr olunmuş sənədli filmə baxıblar.
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO