Bakı, 22 fevral, AZƏRTAC

Azərbaycan Milli Elmlər Akademiyasının (AMEA) nəzdində Respublika Seysmoloji Xidmət Mərkəzində (RSXM) Qərbi Kaspi Universitetinin “İnformasiya texnologiyaları” və Azərbaycan Texniki Universitetinin “Cihazqayırma mühəndisliyi” fakültəsinin tələbələri istehsalat təcrübəsi keçirlər.
Seysmoloji Xidmət Mərkəzinin İnformasiya şöbəsindən AZƏRTAC-a bildirilib ki, tərtib olunan istehsalat təcrübəsi planına əsasən tələbələr “Zəlzələlərin tədqiqatı büro”su və “Mühəndis geologiyası və seysmik mikrorayonlaşdırma” şöbələrində seysmik stansiyanın iş prinsipi, istifadə olunan cihaz və avadanlıqlarla, seysmik məlumatların emalında tətbiq olunan emal proqramları ilə tanış olurlar.
İstehsalat təcrübəsi 2023-cü il mayın 30-na qədər davam edəcək.