Dəniz nəqliyyatı ilə yükdaşıma artıb
Bakı, 21 fevral, AZƏRTAC
2023-cü ilin yanvar ayında dəniz nəqliyyatı ilə daşınmış yüklərin həcmi 564,7 min ton təşkil edib.
Dövlət Statistika Komitəsindən AZƏRTAC-a bildiriblər ki, əvvəlki ilin yanvar ayına nisbətən 26,7 faiz artıb.
Yüklərin 57,1 faizini neft yükləri təşkil edib. Dəniz limanları tərəfindən 894,2 min ton həcmində yükləmə-boşaltma işləri həyata keçirilmiş və yüklərin 727,5 min tonunu və ya 81,4 faizini tranzit yüklər təşkil edib.
2023-cü il fevral ayının 1-i vəziyyətinə limanlarda qalan yüklərin həcmi 30,6 min ton olub. Dövr ərzində bu nəqliyyat növü ilə daşınmış sərnişinlərin sayı 2022-ci ilin yanvar ayına nisbətən 88,9 faiz artaraq 1,7 min nəfər olub.
AYNA taksi sürücüləri üçün təlimlərə başlayıb
Daha bir küçədə sürət həddi endirilib
“AzParking” mobil tətbiq istifadəçilərinin sayı artıb
ASCO üzrə bu ilin II rübündə təhvil verilən müxtəlif tullantıların həcmi açıqlanıb