Milli e-dövlət platformasında linqvistik demoqrafiyanın formalaşması məsələləri müzakirə olunub
Bakı, 7 fevral, AZƏRTAC
İnformasiya Texnologiyaları İnstitutunun növbəti onlayn elmi seminarında şöbə müdiri texnika üzrə fəlsəfə doktoru Gülnarə Nəbibəyova “Milli e-dövlət platformasında linqvistik demoqrafiyanın formalaşması məsələləri” mövzusunda məruzə edib.
İnstitutdan AZƏRTAC-a bildirilib ki, məruzəçi linqvistik demoqrafiya, dünyada və Azərbaycanda dillərlə bağlı vəziyyət, eləcə də e-demoqrafiya sistemi çərçivəsində linqvistik demoqrafiyanın formalaşması haqqında məlumat verib. Linqvistik demoqrafiya və onun əsas problemlərindən bəhs edən G.Nəbibəyova dünyada 7 mindən çox dilin mövcud olduğunu bildirib. O, ENCARTA ensiklopediyasının 2009-cu il üzrə məlumatlarına əsasən, Azərbaycan dilində danışanların sayının dünyada 30-cu yerdə qərarlaşdığını qeyd edib.
Şöbə müdiri e-demoqrafiya sistemi çərçivəsində linqvistik demoqrafiyanın formalaşması məsələlərindən də söz açaraq bu gün informasiya texnologiyalarının insan həyatının və fəaliyyətinin bütün sahələrinə nüfuz etdiyini, bu təsir nəticəsində e-elm, e-tibb və digər istiqamətlərlə yanaşı, demoqrafiyanın da yeni istiqaməti – e-demoqrafiya meydana çıxdığını söyləyib.
Sonda məruzə ətrafında fikir mübadiləsi aparılıb, suallar cavablandırılıb.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib