Kürdəmir və Şirvan gimnastları Bakıda təlim-məşq toplanışında iştirak edir
Bakı, 16 noyabr, AZƏRTAC
Noyabrın 14-də Kürdəmir və Şirvan Olimpiya İdman Komplekslərinin bədii gimnastika bölməsinin üzvləri Milli Gimnastika Arenasında keçirilən təlim-məşq toplanışında iştirak etmək üçün paytaxtımıza səfər edib.
AZƏRTAC xəbər verir ki, noyabrın 19-dək davam edəcək məşqlərdə ümumilikdə hər iki komandadan 14 idmançı iştirak edir.
Məşqlərin təşkili idmançıların hazırlıq səviyyəsinin gücləndirilməsi, eləcə də dekabrın 8-11-də Şəki şəhərində keçiriləcək Azərbaycan Gimnastika Federasiyasının yenidən qurulmasının 20 illiyinə həsr olunmuş birgə yarışlar çərçivəsində təşkil ediləcək bədii gimnastika üzrə 27-ci Azərbaycan birinciliyinə hazırlıq xarakteri daşıyır.
Qeyd edək ki, Şirvan Olimpiya İdman Kompleksində 2015-ci, Kürdəmir Olimpiya İdman Kompleksində isə 2016-cı ildən bədii gimnastika bölməsi fəaliyyət göstərir.
Bölgələrdə gimnastikanın inkişafı çərçivəsində müxtəlif regionlardan gimnastlar paytaxtda mütəmadi olaraq təlim-məşqlərdə iştirak edirlər.
Xatırladaq ki, son ay ərzində Mingəçevir, Masallı və Gəncənin bədii gimnastika üzrə komandaları Milli Gimnastika Arenasının qonağı olublar.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir