BDU-nun Nanoaraşdırmalar elmi-tədqiqat laboratoriyasının elmi seminarı keçirilib
Bakı, 24 oktyabr, AZƏRTAC
Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin Nanoaraşdırmalar elmi-tədqiqat laboratoriyasında növbəti elmi seminar keçirilib.
Bu barədə AZƏRTAC-a BDU-dan məlumat verilib.
Seminarda Fizika fakültəsinin Nəzəri fizika kafedrasının doktorantı Möhsün Əlizadə “NICA enerjisində proton-proton toqquşmasında birbaşa fotonların alınması prosesinə kvant xromodinamik düzəlişlər” mövzusunda məruzə ilə çıxış edib.
M.Əlizadə birbaşa fotonların alınması, kvark-qlüon Kompton səpilməsi və kvark-antinkvark cütünün annigilyasiyası proseslərinə edilmiş kvant xromodinamik düzəlişlər haqqında məlumat verib. O, baxılan proseslərin diferensial kəsiyinin toqquşan protonların enerjisindən, fotonların eninə impulsundan, səpilmə bucağının kosinusundan, sürətindən asılı olduğunu, kvant xromodinamk düzəlişlərin Kompton kvark-qlüon səpilməsinin diferensial kəsiyinə əlavənin kvark-antikvark cütünün annigilyasiyasının diferensial kəsiyinə əlavəsindən böyük olduğunu qeyd edib. Annigilyasiya prosesinin ikiqat spin asimmetriya əmsalının araşdırıldığını bildirərək, dəniz və valent kvarkların Kompton kvark-qlüon səpilməsində rolunu izah edib.
Seminarın sonunda məruzəçi iştirakçıların mövzu ilə bağlı suallarını cavablandırıb.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib