Azərbaycan İlahiyyat İnstitutunda Beynəlxalq Müəllimlər Günü münasibətilə görüş olub
Bakı, 5 oktyabr, AZƏRTAC
Azərbaycan İlahiyyat İnstitutunda (Aİİ) 5 Oktyabr – Beynəlxalq Müəllimlər Günü münasibətilə görüş təşkil olunub.
Bu barədə AZƏRTAC-a institutdan məlumat verilib.
Görüşdə Aİİ-nin rektoru, dosent Aqil Şirinov əlamətdar gün münasibətilə müəllimləri təbrik edib. Təhsilin cəmiyyətdə mühüm rolunu qeyd edən rektor ümummilli lider Heydər Əliyevin təhsilə, onun inkişafına daim xüsusi əhəmiyyət verdiyini xatırladıb, dahi rəhbərin “Təhsil millətin gələcəyidir” kəlamını vurğulayıb.
A.Şirinov ali təhsil müəssisəsi qarşısında duran məqsəd və hədəflərdən söhbət açıb. Bildirilib ki, institutun müəllimləri tələbələrlə təkcə auditoriyalarda deyil, dərsdənkənar vaxtlarda da ünsiyyət saxlamalı, onların tədrislə bağlı problemlərinin həllinə kömək etməlidirlər.
Tədrisin keyfiyyətinin daha da yüksəldilməsi ilə bağlı fikirlərini bölüşən rektor bildirib ki, Aİİ-də dərslərin səmərəliliyinin artırılması üçün əlavə kurslar təşkil edilir.
Aİİ rəhbəri elmi-tədqiqatların keyfiyyətinin yüksəldilməsi, professor-müəllim heyətinin fəaliyyətinin genişləndirilməsi məsələsinə də toxunub.
Tədbirdə Aİİ-də yüksəkixtisaslı mütəxəssislərin hazırlanmasında səmərəli fəaliyyəti ilə fərqlənən müəllimlərə hədiyyələr təqdim olunub.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır