Pakistanlı nümayəndə heyəti Milli Müdafiə Universitetində olub
Bakı, 19 avqust, AZƏRTAC
Ölkəmizdə səfərdə olan Pakistan İslam Respublikası Milli İdarəetmə Kollecində təhsil alan Pakistan Hökumətinin yüksəkrütbəli dövlət qulluqçularından ibarət nümayəndə heyəti Milli Müdafiə Universitetində olub.
Müdafiə Nazirliyinin mətbuat xidmətindən AZƏRTAC-a bildirilib ki, Milli Müdafiə Universitetinin rektoru, professor, general-leytenant Heydər Piriyev qonaqları salamlayaraq onları ölkəmizdə görməkdən məmnunluğunu ifadə edib.
Görüşdə ölkələrimiz arasında hərbi təhsil sahəsində əməkdaşlığın cari vəziyyəti və inkişaf perspektivləri, eləcə də qarşılıqlı maraq doğuran digər məsələlərə dair fikir mübadiləsi aparılıb.
Nümayəndə heyətinə Milli Müdafiə Universiteti və İkinci Qarabağ müharibəsi haqqında geniş brifinq təqdim edilib.
Pakistan İslam Respublikasının Azərbaycan Respublikasındakı fövqəladə və səlahiyyətli səfiri Bilal Hayee də görüşdə iştirak edib.
Müdafiə Nazirliyi: Gənc əsgərlərin hazırlığına xüsusi diqqət yetirilir VİDEO
Azərbaycan-Ermənistan şərti sərhədindəki mövcud əməliyyat şəraiti təhlil edilib VİDEO
Hərbi liseyin 53 illik yubileyinə həsr olunmuş təntənəli mərasim keçirilib VİDEO
"Xəzər səması-2024" birgə taktiki təlimi keçirilib VİDEO
Hərbi pilotlar təlim-məşq uçuşlarını yüksək peşəkarlıqla icra ediblər VİDEO