Bakı, 19 avqust, AZƏRTAC

Bakı Dövlət Universitetinin (BDU) Jurnalistika fakültəsində tədrisin müasirləşdirilməsi istiqamətində səmərəli tədbirlər reallaşdırılır.
Bu barədə AZƏRTAC-a BDU-dan məlumat verilib.
Fakültədə Yeni media və kommunikasiya nəzəriyyəsi, Milli mətbuat tarixi, Multimedia və elektron kommunikasiya və Beynəlxalq jurnalistika və informasiya siyasəti kafedraları fəaliyyət göstərir. 1 tədris tele-radio studiyası, 2 media mərkəzi - “Füyuzat” Media mərkəzi və “Barama” Media mərkəzində tələbələrin praktik təcrübələri üçün lazımi şərait yaradılır.
Eyni zamanda, “Jurnalistika” elmi-tədqiqat laboratoriyasında tələbələr elmi-tədqiqat işlərinə cəlb olunurlar.
Məzunlar media orqanlarında, təşkilatların mətbuat xidməti, ictimaiyyətlə əlaqələr şöbələrində, informasiya agentliklərində, reklam sahəsində çalışa bilərlər.
Fakültədə tədris Azərbaycan, rus və ingilis dillərində aparılır.