Bakı, 9 avqust, AZƏRTAC

İndoneziya 2036-cı il yay Olimpiya və Paralimpiya Oyunlarına ev sahibliyi etmək üçün iddialı olacaq.
AZƏRTAC xəbər verir ki, bu barədə “Inside the games” portalı İndoneziya Milli Olimpiya Komitəsinə istinadla məlumat yayıb.
İndoneziya 2032-ci il Olimpiadasına ev sahibliyi etmək hüququ uğrunda mübarizə aparsa da, Avstraliyanın Brisbeninə məğlub olub. Portalın məlumatına görə, Oyunların Nusantarada keçirilməsi üçün ərizə vermək ideyası artıq prezident Coko Vidodo tərəfindən təsdiqlənib və hökumət yeni paytaxtda bütün tələblərə cavab verəcək idman infrastrukturu qurmağı öhdəsinə götürüb.