Bakı, 1 iyul, AZƏRTAC

İyunun 30-da Dövlət İmtahan Mərkəzi (DİM) tərəfindən Dövlət Statistika Komitəsinin əməkdaşları üçün “Liderlik və idarəetmənin əsasları“ mövzusunda təlim keçirilib
Mərkəzdən AZƏRTAC-a bildirilib ki, təlim zamanı DİM-in əməkdaşı Miranə Rüstəmli iştirakçılara lider kimdir, niyə liderə ehtiyac var, menecer və liderin fərqi, liderlik üslubları, rəhbəri effektiv edən vərdişlər, hədəflərin müəyyənləşdirilməsi, planlaşdırma, nəzarət, qiymətləndirmə, motivasiya, vaxtın idarə edilməsi və s. məsələlər barədə ətraflı məlumat verib.
Qeyd edək ki, dövlət qurumlarının, özəl sektorun və vətəndaşların müraciətləri əsasında bu və digər mövzularda təlimlərin təşkili davam etdiriləcək.
Təlimlərdə iştirak etmək istəyən şəxslər [email protected] ünvanına yaza və ya (012) 3105316 (daxili 1221) nömrəsinə zəng edə bilərlər.