Sərbəst güləş üzrə Azərbaycan millisinin U-20 Avropa çempionatı üçün heyəti açıqlanıb
Bakı, 30 iyun, AZƏRTAC
İtaliyanın paytaxtı Romada güləş üzrə U-20 Avropa çempionatı davam edir.
AZƏRTAC Azərbaycan Güləş Federasiyasının mətbuat xidmətinə istinadla xəbər verir ki, qitə birinciliyinin sonuncu 3 günündə sərbəst güləşçilər mübarizə aparacaqlar.
Böyük məşqçi Cəbrayıl Həsənov, məşqçilər Rövşən Hacıyev və Əşrəf Əliyevin rəhbərliyi altında Nurəddin Novruzov (57 kq), Ramik Heybətov (61 kq), Əbülfəz Nəsirov (65 kq), Sabir Cəfərov (70 kq), Cəbrayıl Qadjiyev (74 kq), Səbuhi Əmiraslanov (79 kq), Fərid Cabbarov (86 kq), Abdulcəlil Şabanov (92 kq), Varis Mehdizadə (97 kq) və Aslan Abakarov (125 kq) ölkəmizi yarışda təmsil edəcəklər.
Səfər ərəfəsində Azərbaycan Güləş Federasiyasının İcraiyyə Komitəsinin üzvü Namiq Abdullayev, baş katib Nəsimi Musayev, baş katibin müavini Orxan Məmmədov, Əməkdar bədən tərbiyəsi və idman xadimi Elçin Cəfərov millimizin üzvləri ilə görüşərək onlara uğurlar arzulayıblar.
Qeyd edək ki, Avropa çempionatının proqramına əsasən, iyunun 30-da bütün çəki dərəcələri üzrə püşkatma mərasimi keçiriləcək. İyulun 1-də 57, 65, 70, 79 və 97 kiloqram çəki dərəcələrində yer alan sərbəst güləşçilər xalçaya çıxacaqlar. Növbəti gün digər çəki dərəcələrindəki pəhləvanlar mübarizəyə qoşulacaqlar.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir