Bakı, 29 iyun, AZƏRTAC

İyulun 4-də “Riyaziyyat məzmununun təkmilləşdirilməsi” mövzusunda vebinar keçiriləcək.
Təhsil İnstitutundan AZƏRTAC-a bildirilib ki, vebinarda spiker qismində Marşal Kavendiş İnstitutunun eksperti Lai Chee Chong çıxış edəcək. O, postpandemiya dövründə dünyada riyaziyyatın tədrisi üzrə gedən dəyişikliklər haqqında danışacaq. Bu dəyişikliklərin fonunda, xüsusilə məzmun, pedaqogika və qiymətləndirmə sahəsində aparılan təkmilləşdirmələr nəticəsində Azərbaycanda riyaziyyatın tədrisinin beynəlxalq standartlarla uzlaşdırılması və hibrid öyrənmə mühitinə uyğunluğu geniş müzakirə olunacaq.
Qeyd edək ki, vebinar institutun feysbuk səhifəsi üzərindən canlı yayımlanacaq.