Bakı, 19 iyun, AZƏRTAC

Türkiyənin İstanbul şəhərində basketbol üzrə U-18 yığma komandamızın təlim-məşq toplanışı davam edir.
AZƏRTAC xəbər verir ki, Avropa çempionatına hazırlıq məqsədi daşıyan təlim-məşq toplanışında millimiz onlardan yaşca böyük “Dostluk" komandasının qonağı olub və qarşılaşmadan (90-74) hesablı qələbə ilə ayrılıb.
Komandamızın ən məhsuldar basketbolçusu 20 xalla Əli Həsənov seçilib. Səid İsmayılov isə oyunu 17 xal, 12 assist ilə tamamlayıb.
Qeyd edək ki, komandamız əvvəlki toplanışda həmin komandaya məğlub olmuşdu.