Badmintonçularımız Litvada keçirilən turnirdə çıxışını yekunlaşdırıb
Bakı, 11 iyun, AZƏRTAC
Badmintonçularımız Litvanın Panevejis şəhərində keçirilən “Future” seriyalı “RSL Lithuanian International 2022” turnirində çıxışını yekunlaşdırıb.
Azərbaycan Badminton Federasiyasının mətbuat xidmətindən AZƏRTAC-a bildiriblər ki, kişi badmintonçuların şəxsi yarışında idmançımız Diki Dvi Pangestu təsnifat mərhələsinin sonuncu görüşündə indoneziyalı Alden Lefilsona 2:1 hesabı ilə qalib gələrək əsas mərhələyə yüksəlib.
Əsas mərhələdə keçirdiyi ilk görüşdə Malayziya badmintonçusu Teh Zi Yini 2:0 hesabı ilə məğlub edən badmintonçumuz turnirin səkkizdəbir finalına adlayıb. Diki dörddəbir finala yüksəlmək uğrunda keçirilən görüşdə danimarkalı Kristofer Vittorianiyə 1:2 hesabı ilə uduzub.
Təsnifat mərhələsində ardıcıl olaraq iki qələbə qazanan Məhəmməd Khadafi isə əsas mərhələyə yüksəlmək uğrunda keçirilən görüşdə isveçli Yohan Azeliusa 1:2 hesabı ilə məğlub olub.
Kişi badmintonçuların qoşa yarışında Aqil Qəbilov-Diki Dvi Pangetsu cütlüyü onaltıdabir finalda Malayziya təmsilçiləri Məhəmməd Faris-Jia Çenq tandeminə 0:2 hesabı ilə uduzub.
Cahid Əlhəsənov-Məhəmməd Khadafi qoşa cütlüyü isə estoniyalı Karl Kert-Mihkel Talts tandeminə 1:2 hesabı ilə məğlub olub.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir