Bakı, 26 may, AZƏRTAC

Çox sevinirəm ki, ölkəmizdə qardaş Türkiyə ilə birgə bu cür mötəbər texnoloji festival keçirilir.
Bunu AZƏRTAC-a müsahibəsində festival ziyarətçisi Azərbaycan Dövlət Pedaqoji Universitetin Şamaxı filialının məzunu Ümid Rəsulov söyləyib. O bildirib ki, Selçuk Bayraktarın özünün də iştirak etdiyi bu mötəbər festivala şahidlik etmək və burada olmaq çox qürurvericidir. Bir-birindən maraqlı pavilyonları, stendləri, müsabiqə və şouları izləmək üçün buraya bir gün yox, festival çərçivəsində hər gün gəlmək lazımdır. “TEKNOFEST Azərbaycan” gənclərimizə öz bacarıqlarını göstərmək imkanı yaradacaq və təcrübə qazandıracaq. Bu festival, həmçinin texnologiyaları sevən gənclər üçün özlərini sınamaq baxımından mühüm platformadır.