Bakı, 25 may, AZƏRTAC

“Neftçi” idman klubunun təşkilatçılığı ilə neft, qaz və kimya sənayesi müəssisələrinin işçiləri arasında minifutbol turnirinə start verilib. Yarış 28 May – Müstəqillik Gününə həsr olunub.
AZƏRTAC kluba istinadla xəbər verir ki, yarış Suraxanı qəsəbəsindəki Tofiq İsmayılov adına Olimpiya Təlim-İdman Kompleksində keçirilir.
İlk üç yeri tutacaq komandalar “Neftçi” tərəfindən kubok, diplom və qiymətli xatirə hədiyyələri ilə mükafatlandırılacaqlar.
Yarış mayın 27-dək davam edəcək.