Bakı, 23 may, AZƏRTAC

Bakı Şəhər Gənclər və İdman Baş İdarəsi (BŞGİBİ) tərəfindən Abşeron Olimpiya İdman Kompleksində üzgüçülük üzrə “Şən delfin” yaz açıq paytaxt birinciliyi keçirilib.
BŞGİBİ-dən AZƏRTAC-a bildiriblər ki, birincilikdə 83 idmançı (37 qız) iştirak edib.
Yarış 2010-2011-ci il və 2011-2012-ci il təvəllüdlü k oğlan və qızlar arasında keçirilib.
İki gün davam edən birinciliyin yekununda qalib və mükafatçılar BŞGİBİ tərəfindən müvafiq dərəcəli diplom və medallarla təltif olunublar.