Bakı, 14 may, AZƏRTAC

“SABAH Magistratura” layihəsi çərçivəsində Beynəlxalq Magistratura və Doktorantura Mərkəzinin Elektron kommersiya ixtisaslaşmasında təhsil alan magistrantlar üçün Lütfi Zadə Texnoloji Mərkəzində “Dördüncü Sənaye İnqilabı texnologiyalarının tətbiqi” mövzusunda seminar təşkil olunub.
UNEC-dən AZƏRTAC-a bildirilib ki, seminarda mütəxəssislər “Dördüncü Sənaye İnqilabı texnologiyalarının qlobal iqtisadiyyata təsiri” , “Süni intellekt, yoxsa emosional intellekt?”, “Əşyaların interneti - hər şeyin interneti” mövzularında təqdimatlar ediblər. Təqdimatda süni intellektlə bağlı məlumatlar çatdırılıb, fikir mübadiləsi aparılıb.
Magistrantlar rəqəmsal texnologiyaların tətbiqi ilə bağlı e-kommersiya platformalarının formalaşdırılmasına aid təkliflər veriblər.