Xocalı qırğını - XX əsrin ən böyük faciəsi
Bakı, 25 fevral, AZƏRTAC
AMEA-nın Hüseyn Cavidin ev-muzeyində “Xocalı soyqırımı, yaxud iblislərin vəhşət saçan əməli” mövzusunda tədbir keçirilib.
Əvvəlcə şəhidlərin və Xocalı soyqırımı qurbanlarının xatirəsi anılıb.
Bu barədə AZƏRTAC-a muzeydən məlumat verilib. Bildirilib ki, tədbirdə muzeyin baş direktoru filologiya elmləri doktoru Gülbəniz Babaxanlı 1992-ci il fevralın 25-dən 26-na keçən gecə ermənilərin Xocalıda törətdiyi qanlı hadisələrdən danışıb. Qeyd olunub ki, Xocalı soyqırımı zamanı 613 nəfər, o cümlədən 63 uşaq qəddarcasına qanlarına qəltan edilib.
G.Babaxanlı Xocalı faciəsinə ilk dəfə hüquqi-siyasi qiymətin ümummilli lider Heydər Əliyevin Azərbaycanda ikinci dəfə siyasi hakimiyyətə qayıdışından sonra verildiyini vurğulayıb. O, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq kampaniyasının əhəmiyyətindən danışıb.
Tədbirdə digər çıxış edənlər də bildiriblər ki, ermənilərin törətdiyi Xocalı qırğını XX əsrin ən böyük faciəsidir. Xocalı soyqırımı haqqında dünya xalqlarına daha da ətraflı məlumat verilməlidir.
Sonra “Xocalı – XX əsrin ən dəhşətli faciəsi” adlı sərgiyə baxış olub.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır