Niderlanddakı soydaşlarımız beynəlxalq ictimaiyyəti 20 Yanvar faciəsinə hüquqi qiymət verməyə çağırıblar
Bakı, 20 yanvar, AZƏRTAC
Niderland Krallığında fəaliyyət göstərən Benilüks Azərbaycanlıları Konqresi (BAK) 20 Yanvar faciəsinin 32-ci ildönümü ilə əlaqədar bəyanatla çıxış edib.
Diasporla İş üzrə Dövlət Komitəsindən AZƏRTAC-a bildirilib ki, BAK prezidenti Elsevər Məmmədovun imzası ilə Avropa Şurasının Parlament Assambleyasına, Niderland Parlamentinə, yerli siyasi partiya və ictimai qurumlara 3 dildə ünvanlanan bəyanatda bildirilib ki, 32 il əvvəl SSRİ rəhbərliyinin əmri ilə xalqımıza qarşı Qara Yanvar adı ilə tarixə düşən hərbi təcavüz və qanlı qırğın törədilib. “Bu, həm də öz azadlığı, müstəqilliyi uğrunda mübarizə aparan xalqımızın mətanətini, qürurunu nümayiş etdirən bir tarixdir. Həmin dövrdə xalq SSRİ rəhbərliyinin qərəzli siyasətinə etiraz edir, Ermənistanda, eləcə də Dağlıq Qarabağda separatçıların azərbaycanlılara qarşı törətdikləri cinayətlərin araşdırılmasını, cinayətkarların cəzalandırılmasını tələb edirdi. Məhz xalqımızın etirazını boğmaq, Azərbaycanın müstəqillik yolunda əngəl yaratmaq üçün SSRİ rəhbərliyi tərəfindən 20 Yanvar qırğını həyata keçirilib”, - deyə bəyanatda vurğulanıb.
Konqres üzvləri beynəlxalq təşkilatları və dünya ictimaiyyətini insan hüquqlarının və beynəlxalq hüququn kobudcasına pozulması ilə müşayiət olunan 20 Yanvar faciəsinə hüquqi qiymət verməyə çağırıblar.
Latviyada Xocalı qurbanlarının xatirəsinə həsr edilmiş anım konserti keçirilib
Parisdə 20 Yanvar faciəsi qurbanlarının xatirəsi anılıb VİDEO
Səudiyyə Ərəbistanın nüfuzlu qəzeti 20 Yanvar faciəsindən yazıb
“Azərbaycan xalqının hüzn və şərəf günü – 20 Yanvar” xarici mediada
20 Yanvar faciəsi Özbəkistan mətbuatında geniş şəkildə işıqlandırılıb