Finlandiya Pekin Olimpiadasının diplomatik boykotuna qoşulmayacaq
Stokholm, 19 yanvar, AZƏRTAC
Finlandiya Pekin Olimpiadasının diplomatik boykotuna qoşulmayacaq.
AZƏRTAC xəbər verir ki, bəzi ölkələr Pekində keçiriləcək Qış Olimpiya Oyunlarına öz siyasətçilərini göndərməmək barədə formal qərar qəbul etdiyinə baxmayaraq, Finlandiyanın mədəniyyət və idman naziri Antti Kurvinen Çinə getmək fikrində olduğunu elan edib.
Kurvinin olimpiadada olması o deməkdir ki, Finlandiya Oyunların diplomatik boykotuna qoşulmayacaq.
Qeyd edək ki, daha əvvəl İsveç hökuməti Qış Olimpiya Oyunları dövründə bu hökumətin üzvlərinin Çində olmayacağını elan edib. İsveçin idman naziri Anders İqemanın sözlərinə görə, bu qərarın qəbul edilməsi yalnız pandemiya ilə bağlıdır və burada hər hansı diplomatik aspektlər yoxdur.
Xatırladaq ki, Pekində Qış Olimpiya Oyunları bu il fevralın 4-dən 20-dək keçiriləcək.
Rauf Əliyev
AZƏRTAC-ın xüsusi müxbiri
Stokholm
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir