ikt.az saytının yeni versiyası təqdim olunub
Bakı, 5 yanvar, AZƏRTAC
AMEA-nın İnformasiya Texnologiyaları İnstitutunun Elmi şurasının onlayn iclasında ikt.az saytının yeni versiyası təqdim olunub.
İnstitutdan AZƏRTAC-a bildirilib ki, iclasda baş mütəxəssis Aqşin Paşayev ikt.az saytının yeni versiyasının işlənilməsinə dair fəaliyyət planı üzrə yaradılmış işçi qrupu tərəfindən yerinə yetirilmiş işləri diqqətə çatdırıb. O, veb-saytda mövcud problemlərin aradan qaldırılması üçün əməkdaşların irəli sürdükləri bütün təklif və tövsiyələrin nəzərə alındığını bildirib.
“Veb-resursun yeni versiyasının işlənilməsi üçün araşdırmalar aparılıb. Hazırlanmış texniki tapşırıq əsasında veb-saytın yeni dizaynı və proqram təminatı işlənilib”, – deyə bildirən A.Paşayev beta versiyanı əyani olaraq nümayiş etdirib.
Məruzəçi, həmçinin ikt.az saytının istifadəyə verilməsindən sonra görülməsi zəruri olan tədbirləri iclas iştirakçılarının diqqətinə çatdırıb.
AMEA-nın vitse-prezidenti, institutun baş direktoru akademik Rasim Əliquliyev veb-saytın yeni konsepsiyası ilə əlaqədar fikirlərini bölüşərək, ikt.az saytının rəhbərlik etdiyi qurumun fəaliyyətinin operativ şəkildə işıqlandırılmasında mühüm rolunu ön plana çəkib. Veb-saytın yeni versiyasının yüksək səviyyədə işlənildiyini, onun dizaynı və proqram təminatının yeni tələblər əsasında, müasir texnologiyaların tətbiqi ilə hazırlandığını qeyd edib.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib