Şahmat tacı uğrunda keçirilən dünya çempionatında Maqnus Karlsen daha bir qələbə qazanıb
Bakı, 7 dekabr, AZƏRTAC
Dubayda hazırkı dünya çempionu, norveçli Maqnus Karlsen ilə Rusiya təmsilçisi Yan Nepomnyaşi arasında şahmat tacı uğrunda dünya çempionatının 9-cu turu keçirilib.
AZƏRTAC xəbər verir ki, bir gün istirahətdən sonra keçirilən növbəti turda qara fiqurlarla mübarizə aparan M.Karlsen rəqibi üzərində daha bir qələbə qazanıb.
Bununla da dünya çempionu rusiyalı şahmatçı ilə hesab fərqini daha da artırıb (6:3).
On dörd matçdan ibarət olacaq turnir dekabrın 15-dək davam edəcək.
Xatırladaq ki, Maqnus Karlsen 2013-cü ildə Hindistan təmsilçisi Vişvanatan Anand üzərində qələbə qazanaraq dünya şahmat tacına sahib olub. O, 2014-cü ildə Rusiyada V.Anandı, 2016-cı ildə ABŞ-da rusiyalı Sergey Karyakini və iki il sonra isə Böyük Britaniyada ABŞ təmsilçisi Fabiano Karuananı məğlub edərək titulunu qoruyub.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir