Elektron ticarət sistemlərinin əsas istiqamətləri araşdırılıb
Bakı, 7 dekabr, AZƏRTAC
AMEA İnformasiya Texnologiyaları İnstitutunun şöbə müdiri iqtisad üzrə fəlsəfə doktoru, dosent Əlövsət Əliyev və magistrant Ülkər Haqverdiyevanın həmmüəllifi olduqları “Elektron ticarət sistemlərinin müasir proqram təminatının modernləşdirilməsinin əsas istiqamətləri” mövzusunda elmi-tədqiqat işi Rusiya Federasiyasının Pereslavl-Zalesskiy şəhərində onlayn formatda keçirilən “X Milli Superkompüter Forumu”nda təqdim olunub.
İnstitutdan AZƏRTAC-a bildirilib ki, təqdim olunan tədqiqat işində elektron ticarət sistemlərinin yaranması və yayılmasına təkan verən amillər, bu sistemlərin tətbiqinin ölkə üçün faydaları araşdırılıb.
Tədqiqat işində göstərilir ki, iqtisadiyyatın rəqəmsallaşması nəticə etibarilə milyonlarla istehlakçının, istehsalçının əmtəə-pul dövriyyəsini izləmək, yüz minlərlə vergi ödəyicisinin məlumat bazasını tənzimləmək, ölkə miqyasında pul-kredit, maliyyə resurslarının tənzimlənməsi üçün müvafiq texniki, texnoloji instrumentariyanı yaratmaqdır. Bütün bu kimi işlərin həlli isə superkompüter texnologiyalarının tətbiqi ilə reallaşa bilər.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib