Bakı, 30 noyabr, AZƏRTAC

Avropa Triatlon Şurası kişi idmançıların yeni reytinq cədvəlini açıqlayıb.
AZƏRTAC xəbər verir ki, Azərbaycan milli komandasının üzvü Rostislav Pevtsov reytinq cədvəlində 1501,08 xalla 35-ci pillədə qərarlaşıb.
Reytinq cədvəlinə Fransa təmsilçisi Leo Bergen rəhbərlik edir. Belçikalı Marten Van Ril və Norveç təmsilçisi Kristian Blyummenfeld ilk üçlüyü tamamlayıblar.