İnformasiya Texnologiyaları İnstitutunun alimləri Rusiyada keçiriləcək Superkompüter Forumunda çıxış edəcəklər
Bakı, 18 oktyabr, AZƏRTAC
Noyabrın 30-dan dekabrın 3-dək Rusiya Federasiyasının Pereslavl-Zalesskiy şəhərində “X Milli Superkompüter Forumu” (НСКФ-2021) keçiriləcək. Tədbirin təşkilatçılarından biri də AMEA İnformasiya Texnologiyaları İnstitutudur.
İnstitutdan AZƏRTAC-a bildirilib ki, Rusiya Elmlər Akademiyasının Nanotexnologiyalar və informasiya texnologiyaları bölməsinin dəstəyilə keçiriləcək tədbirdə superkompüter texnologiyalarının yaradılması və tətbiqi məsələləri müzakirə olunacaq.
Forum çərçivəsində plenar iclas, elmi-praktik konfrans, sərgi, master-klass, dəyirmi masa və treninq, mediatur kimi tədbirlərin keçirilməsi planlaşdırılır.
Tədbirin seksiya iclaslarında İnformasiya Texnologiyaları İnstitutunun alim və mütəxəssisləri elmi məruzələrlə çıxış edəcəklər.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib