Bakı, 18 avqust, AZƏRTAC

AMEA İnformasiya Texnologiyaları İnstitutunda İKT sferası infrastrukturunun effektiv formalaşması və idarə olunması xüsusiyyətləri tədqiq olunur.
İnstitutdan AZƏRTAC-a bildirilib ki, İKT əsaslı iqtisadiyyatın formalaşması və inkişafı elektron biznes, elektron ticarət, elektron kommersiya və rəqəmsal iqtisadiyyata əsaslanır. Tədqiqatın nəticələrinə əsasən, müasir dövrdə İKT sferası IV Sənaye İnqilabının çağırışlarına müvafiq olaraq dünya iqtisadiyyatının əsas sektoruna çevrilib. Azərbaycanda qeyri-neft sektorunun inkişafında, iqtisadiyyatın rəqabət qabiliyyətinin artırılmasının təmin edilməsində İKT sektoru xüsusi əhəmiyyətə malikdir. İKT sektorunun gəlirləri ümumi daxili məhsulun artımına birbaşa təsir edir.