Bakı, 12 aprel, AZƏRTAC

Amerikalı boksçu Evander Holifild 47 yaşlı irlandiyalı Kevin Makbrayd ilə nümayiş xarakterli döyüş keçirəcək.
AZƏRTAC xəbər verir ki, qarşılaşma iyunun 5-də baş tutacaq. Boksçular qarşılaşmaya dəbilqəsiz çıxacaqlar və döyüş hər biri 2 dəqiqə olmaqla 8 raund davam edəcək.
E.Holifild Mayk Taysonla döyüş təşkil etməyə çalışsa da, tərəflər razılığa gələ bilməyiblər. E.Holifild M.Taysonla iki dəfə qarşılaşıb və hər ikisində ona qalib gəlib.
Holifild son döyüşünü 2011-ci ildə keçirib. Aktivində 44 qələbə və 10 məğlubiyyət var. İrlandiyalı boksçu isə karyerası ərzində keçirdiyi 46 döyüşün 35-də qələbə qazanıb.