Formula 1 Vyetnam Qran-Prisinin ləğv olunması rəsmən elan edilib
Bakı, 16 oktyabr, AZƏRTAC
Formula 1-in hazırkı mövsümünün təqviminin son variantı avqustun sonunda yayımlandıqdan sonra yarışda debüt edəcək Vyetnam Qran-Prisinin baş tutmayacağı bəlli olsa da, yalnız bu gün yarışın təşkilatçıları mərhələnin ləğv olunduğunu rəsmən elan ediblər.
AZƏRTAC yarışın rəsmi saytına istinadla xəbər verir ki, bu addım koronavirus pandemiyası səbəbindən atılıb. Təşkilatçılar pilotlar, komandalar və azarkeşlər üçün təhlükəsiz şərait yaratmaqda çətinlik çəkdiklərini bildiriblər.
Vyetnamda Hanoy trasında təşkili nəzərdə tutulan yarışın əvvəlcə aprelin 3-5 baş tutacağı planlaşdırılmışdı. Koronavirus infeksiyasına görə, qeyri-müəyyən müddətə təxirə salınan yarışın daha sonra noyabrda keçiriləcəyi açıqlanmışdı.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir