“Beşiktaş” futbol klubu növbəti transferini reallaşdırıb
Bakı, 19 sentyabr, AZƏRTAC
İstanbulun “Beşiktaş” futbol klubu “Yeni Malatyaspor” komandasından ayrılan Gökhan Töreni transfer edib.
AZƏRTAC klubun saytına istinadla xəbər verir ki, 28 yaşlı yarımmüdafiəçi ilə bir illik müqavilə imzalanıb. Onun İstanbul təmsilçisində 70 nömrəli formanı geyinəcəyi bildirilir.
Təcrübəli futbolçu 2013-2019-cu illərdə də “Beşiktaş”ın heyətində yer alıb. Əvvəllər Türkiyə yığmasının heyətinə cəlb olunmuş G.Töre karyerası ərzində İngiltərənin “Çelsi”, “Vest-Hem Yunayted”, Almaniyanın “Bayer Leverkuzen”, “Hamburq”, Rusiyanın “Rubin” klublarında çıxış edib.
Ötən mövsüm “Yeni Malatyaspor”un heyətində 28 görüşdə meydana çıxan G.Töre 2 qol vurub və 5 məhsuldar ötürmə verib.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir