Boksçularımızın təlim-məşqləri ümumi fiziki hazırlığın artırılmasına yönəlib
Bakı, 11 avqust, AZƏRTAC
Boksçularımız artıq açıq havada məşqlərə başlayblar. Təlim-məşqlər əsasən ümumi fiziki hazırlığın artırılmasına yönəlib. Böyüklərdən, gənclərdən və yeniyetmələrdən ibarət komandalarımızla məşqləri qrup halında təşkil edirik. Hər qrupda 10-na qədər idmançı yer alır.
Bu sözləri “Qızıl Əlcək” idman klubunun və 1 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM) boks üzrə baş məşqçisi, Əməkdar məşqçi Rəhim Allahverdiyev AZƏRTAC-a müsahibəsində deyib.
O deyib ki, əvvəllər də yay mövsümündə məşqlər daha çox açıq havada keçirilirdi. Ona görə də hazırlığın qapalı məkanlarda yox, açıq havada keçirilməsi heç bir problem yaratmır: “Boksçularımız böyük həvəslə məşq edirlər. Düzdür, uzun müddət hazırlığa ara verdiyimiz üçün bir qədər çətinliklərin yaranması təbiidir. Amma bundan əvvəl boksçularla onlayn məşqlər təşkil edildiyinə görə komandaların hazırlığı o qədər də zəif deyil. Boksçularımızın hazırlığını dəniz qırağında məşqlərlə davam etdirməyi planlaşdırırıq”.
R.Allahverdiyev məşqlər zamanı karantin rejimi qaydalarına ciddi riayət etdiklərini vurğulayıb.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir