Bakı, 20 may, AZƏRTAC
Nazirlər Kabineti yanında Operativ Qərargahın qərarına əsasən, ölkəmizdə xüsusi karantin rejimi çərçivəsində tətbiq edilən məhdudiyyətlərin bir qisminin mayın 18-dən etibarən yumşaldılması ilə əlaqədar qatarlarda sərnişinlərin sayının artması müşahidə olunur.
“Azərbaycan Dəmir Yolları” QSC-dən AZƏRTAC-a bildirilib ki, Abşeron dairəvi dəmir yolu xətti üzrə hərəkət edən qatarlara tələbatı nəzərə alaraq mayın 20-dən xəttə əlavə qatar buraxılıb. Bununla əlaqədar Bakı-Sumqayıt-Bakı elektrik qatarlarının hərəkət cədvəlində dəyişiklik edilib. Qatarların yeni hərəkət qrafiki ilə bağlı cədvəllə “https://ady.az/az/news/read/1787/43”  linkindən tanış ola bilərsiniz.