Budapeştdə “Xocalı qadınları ədalət istəyir” adlı yürüş təşkil olunub
Budapeşt, 26 fevral, AZƏRTAC
Fevralın 26-da Macarıstanın paytaxtı Budapeşt şəhərində Xocalı faciəsinin 28-ci ildönümü münasibətilə “Xocalı qadınları ədalət istəyir” adlı yürüş təşkil olunub.
AZƏRTAC xəbər verir ki, Azərbaycanın Macarıstandakı səfirinin xanımı Şəhla Vəzirovanın təşəbbüsü və yaxından iştirakı ilə keçirilən dinc yürüşdə bu ölkədəki Azərbaycan diasporunun xanım nümayəndələri və tələbə qızlar iştirak ediblər. Tədbirə, həmçinin səfirlik əməkdaşlarının xanımları, habelə bəzi macar qadın fəallar da qoşulublar.
Yürüş iştirakçıları əllərində ermənilərin Xocalı şəhərinin dinc azərbaycanlı sakinlərinə, o cümlədən qadınlara, qocalara və uşaqlara qarşı törətdikləri vəhşilikləri əks etdirən plakatlar tutublar. Aksiyaya yerli sakinlərlə yanaşı, xarici turistlər də maraq göstərib. Tədbir zamanı iştirakçılara Xocalı soyqırımı və ermənilərin törətdikləri vəhşiliklər barədə məlumatlar verilib, buklet və kitablar paylanılıb.
Yürüş iştirakçıları əllərində Xocalı soyqırımı qurbanlarının şəkilləri, Azərbaycan, ingilis və macar dillərində “Mən Xocalıdanam”, “Xocalıya ədalət!”, “Dünya bu faciəyə laqeyd qalmamalıdır!” və s. plakatlar tutaraq Budapeştin mərkəzindəki “Qəhrəmanlar meydanı”ndan Andraşi prospekti ilə hərəkət edərək Oktoqon meydanına qədər irəliləyiblər. Yürüş Azərbaycanın bu ölkədəki səfirliyinin binası qarşısında başa çatıb.
Sonda səfirlikdə çay süfrəsi təşkil olunub.
Pərvanə Qarayeva
AZƏRTAC-ın xüsusi müxbiri
Budapeşt
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO