Bakı, 3 fevral, AZƏRTAC

Həkim-fitoterapevt Fizuli Hüseynovun “Təbibim yanımda” kitabı nəşr olunub.
AZƏRTAC xəbər verir ki, kitabda zamanın süzgəcindən keçərək qədimdən bu günə qədər gələn reseptlər, Tibet təbabətində, islam dünyasında tətbiq olunan və həkimin özünün şəxsi təcrübəsində müxtəlif xəstəliklərin müalicəsində istifadə etdiyi müalicə formaları öz əksini tapıb.
Kitabda həmçinin, dərman bitkiləri, bitki qarışıqları və bitki yağlarından istifadə qaydaları, qanalma, zəli ilə müalicə, habelə digər fitoterapevtik və xalq təbabətindən gələn müalicə üsulları, eləcə də sağlam qidalanmaq və sağlam yaşamaq barədə də maraqlı məlumatlar var.
“Təbibim yanımda” kitabı sağlamlığına biganə olmayan hər kəsə ünvanlanıb.