Fərid Mustafayev: Dünya kuboku yarışlarında Azərbaycanı təmsil etmək böyük məsuliyyətdir
Bakı, 28 yanvar, AZƏRTAC
Bakıda keçiriləcək batut gimnastikası və tamblinq üzrə dünya kuboku yarışlarına fəal hazırlaşırıq. Məşqlər gündə iki dəfə keçirilir. İndi biz kombinasiyaları çətinləşdiririk ki, yarış zamanı proqramı səhvsiz yerinə yetirək. Dünya kuboku ərəfəsində, təbii ki, həyəcan var. Mənim üçün qarşıdan gələn turnir öz bacarıqlarımı nümayiş etdirmək üçün böyük şansdır.
AZƏRTAC Azərbaycan Gimnastika Federasiyasına istinadla xəbər verir ki, bu sözləri gimnastımız Fərid Mustafayev deyib.
“Dünya kuboku yarışlarında Azərbaycanı təmsil etmək böyük məsuliyyətdir. Ümumiyyətlə, ölkəni vacib yarışlarda təmsil etmək həm böyük məsuliyyət, həm də şərəfdir. Buradan tamaşaçılara səslənirəm ki, yarış günü Milli Gimnastika Arenasına gəlsinlər və bizi dəstəkləsinlər”, - deyə gimnast bildirib.
Qeyd edək ki, F.Mustafayev fevralın 15-16-da dünya kubokunda tamblinq yarışlarında çıxış edəcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir