Ovusu Kvabena: “Qarabağ” kimi güclü klubda oynamağı arzulayırdım
Bakı, 24 yanvar, AZƏRTAC
“Qarabağ” kimi güclü klubda oynamağı arzulayırdım.
Bunu Ağdam təmsilçisinin yeni transferi hücumçu Ovusu Kvabena klubun saytına açıqlamasında deyib.
İspaniyanın “Leqanes” komandasından transfer olunan hücumçu yeni klubu haqqında danışarkən deyib: “Qarabağ”a gəldiyim üçün şadam. UEFA Çempionlar Liqasında və Avropa Liqasında çıxış etmiş bir klubda oynamaq arzum idi. Ümid edirəm ki, burada hər şey mənim üçün yaxşı olacaq. Azərbaycanın altı dəfə ardıcıl çempion olan komandasına gəldiyimi və azarkeşlərin məndən çoxlu qollar gözlədiyini yaxşı başa düşürəm. Göstərilən etimadı doğrultmaq üçün əlimdən gələni edəcəyəm. "Qarabağ"dan təklif gələndə burada heç kimi tanımırdım. Bilirdim ki, iki il öncə Çempionlar Liqasında çıxış edib. Belə bir klubda oynamaq mənim üçün arzu idi və təklif gələndə çox sevindim. Gənc futbolçuyam və bu təklif mənim üçün əla imkandır. Ümid edirəm ki, öz oyunumla özümü azarkeşlərə sevdirə biləcəyəm”.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir