Şirvan Milli Parkında ornitoloji seminar və quşları müşahidə günü keçirilib
Bakı, 18 noyabr, AZƏRTAC
Milli Dirçəliş Günü ilə əlaqədar Şirvan Milli Parkında ornitoloji seminar və quşları müşahidə günü keçirilib.
“Quşlarımızı qoruyaq” şüarı ilə təşkil olunan tədbirin keçirilməsində məqsəd nadir və nəsli kəsilmək təhlükəsində olan quş növlərinin vəziyyətinin öyrənilməsi, say göstəricilərinin izlənilməsi, onların vəhşi təbiətdə müşahidəsi turizminə diqqətin çəkilməsidir.
Şirvan Milli Parkının direktoru Arzu Mustafayev AZƏRTAC-a bildirib ki, Azərbaycan Ornitoloji Cəmiyyətinin dəstəyi ilə keçirilən və Bakı Dövlət Universitetinin tələbələrinin iştirak etdiyi tədbirdə milli parkın ərazisində yerləşən Qızılqaz gölündə quşlar binoklla müşahidə edilib.
Sonra keçirilən seminarda icazəsiz quş ovuna qarşı hamılıqla mübarizənin vacibliyi vurğulanıb. Həmçinin quşların növ tərkibi, sayı, sayğısının metodikası, su-bataqlıq ekosisteminin vəziyyəti ətrafında müzakirələr aparılıb.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb