“Klassik və müasir ədəbiyyat məsələləri” kitabı çapdan çıxıb
Bakı, 1 noyabr, AZƏRTAC
AMEA-nın Nizami Gəncəvi adına Milli Azərbaycan Ədəbiyyatı Muzeyinin elmi işlər üzrə direktor müavini, professor Xatirə Bəşirlinin “Klassik və müasir ədəbiyyat məsələləri” kitabı “Elm və təhsil” nəşriyyatında çapdan çıxıb.
Muzeydən AZƏRTAC-a bildirilib ki, kitabda məqalələr “Klassik irs”, “Folklor. Aşıq sənəti”, “Güc, qüvvət elmdədir” və “Görünən və görünməyən - Mövlud Süleymanlı” bölmələri üzrə oxuculara təqdim edilir.
Nəşrdə müəllifin ədəbiyyat tarixi, ədəbiyyatşünaslıq, müasir nəsr, mədəniyyətşünaslıq və təhsili əhatə edən elmi və tənqidi məqalələri ədəbiyyatın formalaşması, inkişaf prosesini əks etdirir. Kitabda milli ədəbiyyat, folklor və aşıq ədəbiyyatının müxtəlif problemləri görkəmli alim, yazıçı və aşıqların yaradıcılığı əsasında araşdırılır.
Kitabın elmi redaktoru və “Ön söz”ün müəllifi, professor Kamil Allahyarov, rəyçiləri isə professorlar Məhərrəm Qasımlı və Şəfəq Əlibəylidir.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır