Bakı, 16 oktyabr, AZƏRTAC 

Azərbaycan İlahiyyat İnstitutunda oktyabrın 26-da “İslam iqtisadiyyatı: reallıqlar və perspektivlər” mövzusunda seminar təşkil olunacaq.
İnstitutdan AZƏRTAC-a bildirilib ki, seminar İqtisadi Resursların Öyrənilməsi İctimai Birliyinin nəzdində qurulan İslam İqtisadiyyatı Resurs və Araşdırma Mərkəzinin, Azərbaycan İlahiyyat İnstitutunun və Azərbaycan Dövlət İqtisad Universitetinin “Meybullayev” İslam İqtisadiyyatı Mərkəzinin birgə təşkilatçılığı ilə keçiriləcək.
Seminarda iqtisadiyyat üzrə fəlsəfə doktoru Ruslan Atakişiyev, ilahiyyat üzrə fəlsəfə doktoru Əhməd Niyazov və Anar Yusifzadə çıxış edəcəklər.