İngiltərə Premyer Liqası: “Mançester Siti” “Vatford” klubunun qapısına səkkiz cavabsız top vurub
Bakı, 21 sentyabr, Nicat Məmmədov, AZƏRTAC
Sentyabrın 21-də futbol üzrə İngiltərə Premyer Liqasında altıncı turun növbəti oyunları keçirilib.
AZƏRTAC xəbər verir ki, son çempion “Mançester Siti” öz meydanında “Vatford” komandasını qəbul edib.
Görüş Pep Qvardiolanın yetirmələrinin 8:0 hesablı qələbəsi ilə başa çatıb.
Mançester təmsilçisinin heyətində David Silva, Serxio Aquera, Bernardo Silva (3), Riyad Mahrez, Nikolas Otamendi və Kevin De Brüyne fərqləniblər.
Turun gözlənilməz hesabı “Kinq Power” stadionunda qeydə alınıb. Çempionluğa iddialı “Tottenhem” klubu səfərdə “Lester Siti” komandasının qonağı olub.
Qonaqlar Hari Keynin sayəsində hesabda öndə olsalar da, meydan sahibləri ardıcıl iki qol vuraraq qələbə qazanıb. “Lester Siti”in heyətində Rikardo Pereyra və Jeyms Maddison fərqlənib.
Beşinci turun digər oyundan “Everton” doğma meydanda “Şeffild Yunayted”ə (0:2), “Southemton” isə “Bournemount”a (1:3) məğlub olub. “Börnli” isə doğma azarkeşlər önündə “Norviç Siti”ə qalib gəlib (2:0).
Qeyd edək ki, turun digər oyunları sentyabrın 22-24-də keçiriləcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir