“Qalatasaray” “Kasımpaşa”nı məğlub edib
Bakı, 14 sentyabr, AZƏRTAC
Sentyabr 13-də futbol üzrə Türkiyə Superliqasının IV turu çərçivəsində keçirilən mərkəzi qarşılaşmada “Qalatasaray” doğma meydanda “Kasımpaşa”nı qəbul edib.
AZƏRTAC xəbər verir ki, “Türk Telekom” stadionunda baş tutan görüş hər iki tərəfin qarşılıqlı hücumları ilə yadda qalıb.
Görüşdə ilk və yeganə qolu 38-ci dəqiqədə İstanbul təmsilçinin Fransanın “Monako” klubundan yeni transfer olunan Radamel Falkao vurub.
Qalan vaxt ərzində tərəflər dəfələrlə fərqlənməyə yaxın olsalar da oyunda hesab dəyişməyib. Beləliklə “Qalatasaray” doğma meydanda “Kasımpaşa”ya Falkaonun qolu sayəsində qalib gəlib.
Bu oyundan sonra “Qalatasaray” çempionatda 7 xalla 5-ci pillədə qərarlaşıb. “Kasımpaşa” 1 xalla 17-ci olub.
Turun digər oyunları sentyabrın 14, 15 və 16-da keçiriləcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir