Azərbaycan Dövlət
İnformasiya Agentliyi

A
A
A
Sazlamalar

Hərbi qulluqçularımız “Saber Junction - 19” təlimində iştirak edəcəklər VİDEO

Bakı, 10 sentyabr, AZƏRTAC 

Azərbaycan Ordusunun hərbi qulluqçuları “Hohenfels” təlim mərkəzində keçiriləcək “Saber Junction - 19” çoxmillətli briqada taktiki təlimində iştirak etmək üçün Almaniya Federativ Respublikasına yola düşüblər.
Müdafiə Nazirliyinin mətbuat xidmətindən AZƏRTAC-a bildiriblər ki, Amerika Birləşmiş Ştatları Avropa Komandanlığının (EUCOM) təşkilatçılığı ilə keçiriləcək təlimin əsas məqsədi NATO və tərəfdaş ölkələr arasında əməliyyat uyarlılığının və bölmələrin döyüş hazırlığı səviyyəsinin yüksəldilməsi, eləcə də hərbi qulluqçuların fərdi bacarıqlarının təkmilləşdirilməsidir.
Azərbaycan Ordusunun nümayəndələrinin də qatıldıqları təlimə NATO-nun üzv və tərəfdaş ölkələrinin ordularından 2000-dək hərbi qulluqçu cəlb olunub.
Təlim sentyabrın 30-dək davam edəcək.

Ordu 2019-09-10 11:30:00

Video